20 ans dejà !

Lo 5 de noveme de 1997, l’Ecole Tarbaise de Musique et Traditions qu’a aubrit los sues talhèrs entà desvelopar la practica de la musica tradicionau : los joens, los bons, los iniciats, e sustot tots los autes que podèvan enfin accedir a ua formacion musicau per l’oralitat.

Suu principi « que sabi hèr, que’u transmeti », los talhèrs de boha, de vriolon, de sonsaina, d’acordeon diatonic, mandolina, cant, danças,… miats peus transmetedors, qu’an pendent 20 ans permetut a mes de 250 eslheves d’apressar la musica per la practica d’un instrument, entau sue plaser, e a còps, entà’s produsir dabans un public. Quauques eslhèves qu’en an mèma heit lo loe mestier.

Actuaument, que son mes de 100 eslhèves qui, cada annada, possan las pòrtas deus talhèrs. Cada dia, las parets deu 42 de la carrèra Pasteur tindan de Musicas tradicionaus, e qu’ei autant plan !

Au programa d’aqueths 20 ans :

-     5 de noveme de 2017 : Centre Aerat de Bors, de 15 òras a 18 òras, bal gascon animat peu grop Balensoir

-     10 de noveme de 2017 : Tarba, MDA deus Cais de l’Ador, 21 òras, concerts deus grops Accents, Lugana del Bòsc, Pat y Picos

-     18 de noveme de 2017 : Tarba, restaurant deu Parc de las Exposicions, 21 òras, bal gascon animat peu grop Huec

-     25 de noveme de 2017 : Tarba, Plaça de Verdun a 16 òras e Plaça de la Mairia a 17 òras, « flash-mob » danças tradicionaus (en cas de ploja rendetz-vos en devath de la Hala Brauhauban)

Rensenhaments au : 06.33.31.97.21.

Siti Internet de l'escòla

20ans

Please publish modules in offcanvas position.